自製玩具建立解難思維

​

在籌備自製玩具工作坊期間，Paul 坦言花了不少時間、 心機從網上自學，「因為用啲材料唔同，會有唔一樣嘅結 果，而且影片又未必解釋得清楚，所以唔係次次都可以自 製成功。」Paul 希望藉著工作坊讓孩子體會製作玩具的 樂趣，從而讓他們建立解難的思維模式。

香港居住空間狹小，有時父母買了玩具給孩子，孩子拆 封後玩幾個月後便擱置一旁，久而久之，甚至忘卻了這 件玩具的存在。Paul 認為這不但是一種浪費，亦會對小 朋友產生不良的影響。「依家好多小朋友嘅抗逆能力都 比較弱，原因就係佢哋嘅物質太過豐富。」Paul 解釋， 「唔係物質豐富就係壞事。而係雖然好多嘢都可以用錢解 決，但係人際關係上、工作上遇到嘅問題，就未必可以用 錢解決到，咁係影響緊小朋友嘅成長。」

親子工作坊有助兩代溝通

一直以來， P a u l 都認為教導小朋友如何思考比教導技巧來得重 要，故當談及現時流行的STEM 教學、Scratch 應用程式，他有感 而發地說：「畀小學生學呢啲，其實三十年後佢哋都用唔著。擺咁 多時間落去學呢啲技巧，不如多啲帶小朋友去接觸大自然，見識多 啲以前嘅歷史，擴闊佢哋嘅視野。」而他舉辦的親子工作坊，則是 針對父母和子女之間的聯繫和溝通，透過動手自製玩具培養孩子思 考、主動求助等種種解難能力，從而促進親子間的了解。

至於親子工作坊的開始，源於有家長向Paul 表示不懂如何跟小朋 友玩耍，有些甚至說沒有時間和小朋友一起玩。於是，Paul 索性以 親子工作坊來作招徠，讓父母與子女一起來享受製作玩具的過程。 「工作坊成兩個幾鐘咁耐，咁參加咗就要一齊玩，家長就冇得再話 唔得閒陪小朋友玩啦。」

從親子工作坊中，Paul 觀察到父母在這種不牽涉學業成績的課餘 活動中會給予孩子更多自由發揮空間。「就算小朋友將車轆整成三 角形，又或者整到好高，父母都覺得玩咋嘛，佢自己玩到咪得囉。」 當小朋友在砌玩具時遇到問題，都會主動找父母幫忙，有些父母終 於有「被召喚」的感覺，與平時「你有你玩，佢有佢做」的情況有所 分別。Paul 表示，有些父母透露孩子平時「坐唔定」，但參加再生 玩具工作坊，居然可以「坐定定玩足兩個幾鐘，做唔完都唔肯走。」 令他們非常驚訝。